АО "Национальное агентство по развитию инноваций "QazInnovations"
Аналитика
«QazInnovations» ИДЖҰА» АҚ инновациялық даму саласындағы ұлттық даму институты ретінде инновациялық экожүйені дамытуды талдамалық қолдау шеңберінде мемлекеттік технологиялық саясатты іске асыруда және инновациялық инфрақұрылымды дамытуда әдістемелік және консультациялық қолдау көрсетеді, инновацияларды дамыту саласында ақпараттық-талдамалық және консалтингтік қызметтер көрсетеді, мемлекеттік органдарға инновациялық қызмет мәселелері бойынша сараптамалық қорытындылар және (немесе) ұсынымдар береді (Қазақстан Республикасының Кәсіпкерлік Кодексінің 241-3-бабы).
Мемлекеттік технологиялық саясат – ұлттық экономиканың, оның секторлары мен жеке кәсіпкерлік субъектілерінің технологиялық даму деңгейін арттыру мақсатында, технологиялық тұғырнамаларды, технологиялық құзыреттердің салалық орталықтарын құруды, нысаналы технологиялық бағдарламаларды іске асыруды қоса алғанда, мемлекет және (немесе) инновациялық қызмет субъектілері жүзеге асыратын, технологиялық басымдықтарды айқындауға, инфрақұрылымды және оларды іске асыру жөніндегі құзыреттерді дамытуға бағытталған экономикалық, ұйымдастырушылық және құқықтық шаралар жүйесі (ҚР Кәсіпкерлік Кодексінің 241-4-бабы). |
Қазақстан Республикасы Үкіметінің 2022 жылғы 8 сәуірдегі № 196 қаулысымен «QazInnovations» инновацияларды дамыту жөніндегі ұлттық агенттігі» АҚ Инновациялық обсерватория болып айқындалды. ҚР Кәсіпкерлік Кодексінің 241-6-бабына сәйкес, Инновациялық обсерватория ұсынымдар әзірлей отырып, инновациялық жүйенің тиімділігін тәуелсіз талдауды жүзеге асырады.
Қазақстан Республикасының Ұлттық инновациялық жүйесін үйлестіруді жақсартуға арналған Инновациялық обсерваторияны құру «Қазақстан Республикасы мен Халықаралық Қайта Құру және Даму Банкі арасындағы Қарыз туралы келісімді (Өнімді инновацияларды ынталандыру жобасы) ратификациялау туралы» Қазақстан Республикасының 2016 жылғы 2 ақпандағы Заңымен ратификацияланған Қазақстан Республикасы мен Халықаралық Қайта Құру және Даму Банкі арасындағы Қарыз туралы келісім аясында іске асырылатын «Өнімді инновацияларды ынталандыру» жобасы шеңберінде көзделген.
Инновациялық обсерваторияны құру Қазақстан Республикасы Үкіметінің 2021 жылғы 12 қазандағы № 727 қаулысымен бекітілген «Цифрландыру, ғылым және инновациялар есебінен технологиялық серпіліс» ұлттық жобасын іске асыру бойынша Жоспар – кестесінің 114-тармағын іске асыру аясында да қарастырылған.
Инновациялық обсерваторияның алдына келесі міндеттер қойылған:
- Ұлттық инновациялық жүйенің (ҰИЖ) тұрақты мониторингі және талдауы;
- Инновация саласындағы қорларды қалыптастыру және жүргізу;
- ҰИЖ дамыту бойынша ұсыныстар әзірлеу;
- ҰИЖ қатысушыларын біріктіру.
Сонымен қатар, өз қызметі шеңберінде «QazInnovations ИДЖҰА» АҚ технологиялық платформалардың қызметін әдістемелік қамтамасыз етуді келесі бағыттар бойынша іске асырады:
- AgriTech
- Жасанды интеллект
- Электрондық өнеркәсіп
- Индустрия 4.0
- FinTech
- GeoTech
- GreenTech
- Smart City
- Space Tech
- Gov Tech
Технологиялық тұғырнамалар мемлекеттік технологиялық саясатты қалыптастыру және іске асыру үшін құрылады және өзара байланысты және өзара толықтыратын білім беру, ғылыми және өнеркәсіптік-инновациялық инфрақұрылым элементтерінен, технологияларды генерациялау мен жетілдірудің, кадрлар даярлаудың, инновациялық жобаларды іске асырудың үздіксіз процесін қамтамасыз ету үшін қажетті ғылыми, ғылыми-техникалық, инновациялық және өнеркәсіптік қызмет субъектілерінен тұратын кешен болып табылады (ҚР Кәсіпкерлік Кодексінің 241-5-бабы).
Сондай-ақ, өзара әрекеттестік келесі технологиялық құзыреттердің салалық орталықтарымен (ТҚСО) жүзеге асырылады:
- «Сафи Өтебаев атындағы Атырау мұнай және газ университеті» КЕАҚ негізінде мұнай және газ саласындағы ТҚСО;
- «Ұлттық аграрлық ғылыми-білім беру орталығы» КЕАҚ базасында агроөнеркәсіптік кешен саласындағы ТҚСО;
- «Ядролық физика институты» ШЖҚ РМК негізінде баламалы және атом энергетикасы мен технологиялары саласындағы ТҚСО;
- «КОРЕМ» АҚ негізінде электр энергетикасы саласындағы ТҚСО;
- «Салидат Қайырбекова атындағы Ұлттық ғылыми денсаулық сақтауды дамыту орталығы» ШЖҚ РМК негізінде (ҚР ДСМ) «Денсаулық сақтау 4.0» бағыты бойынша ТҚСО;
- «Azimut Solutions» ЖШС және «Astana IT University» ЖШС консорциумы негізінде «E-Industry» ТҚСО.
ТҚСО тиісті саланың немесе технологиялық бағыттың мемлекеттік технологиялық саясатын әзірлеу және оның сабақтастығын қамтамасыз ету мақсатында мемлекеттік органдармен айқындалады.
ТҚСО-ның негізгі міндеттері жеделдетілген технологиялық даму үшін әлемдік технологиялық трендтерді мониторингтеу, ағымдағы жағдайлар мен бәсекелік артықшылықтарды, сондай-ақ жеке кәсіпкерлік субъектілерінің қажеттілігі мен мүдделілігін айқындау болып табылады (ҚР Кәсіпкерлік Кодексінің 241-5-бабы).
Қосымша сұрақтар бойынша келесі телефонға қоңырау шалыңыз тел. 8 7172 79 25 80 (ішкі н. 583)
